隱適美牙套 - 67 + 1/21

真是望穿秋水終於望到牙套返，但都很無奈
，因為兩星期前打過電話問情況，話已從美國寄出，寄到診所會再聯絡我，上星期忍唔住再打電話問，竟然問我是否想提前覆診，吓???姑娘話我約左四月中覆診，是否想改在復活節前，我完全一頭霧水，我話你們未通知我返牙套何來會約時間覆診，還是四月?跟住講一堆說話耍我，再同我約時間覆診，才會今天能上來取牙套，好彩再打電話跟進，否則真係「被」預約到四月中。

今天去到診所，只有我和另一個箍牙友，很少咁少人，除左因今天是閒日，原來主診醫生今天不在，亦即是我係由其他醫生跟進，今批牙套有二十一副，要回復返兩星期換一副，即是要箍到明年，唉~~~，不過好彩係今次只需貼四粒attactment，上下左右臼齒各一粒，醫生上完attactment及戴上新牙套就話我可以走了，那時我在想點解唔使試下除唔除到?不過可能因為今次得四粒attactment，所以不用試吧，原來我想看牙齒進度模擬圖及問要唔要再磨牙，但因戴上新牙套實在太緊，注意力全在牙齒上，最後忘記左問。

因上排牙齒有六個月無郁過，下排牙齒有二個半月無郁過，要再戴返牙套真的一下子很緊，而且到晚上全排牙齒都很酸痛，無辦法戴住食飯，惟有再除牙套食嘢，明天才開始戴返牙套食飯。