刻薄業主及好心師傅

早前屋企天花掉落石屎差點無命，於是通知業主，希望他找人維修，點知他完全不理我，激氣，諗住過左農曆新年後再找他，咁啱剛剛過左年，水龍頭又壞左，他死死地氣來更換水龍頭，點知整左兩個鐘都攪唔點，他唯有出錢請師傅來整，我等左咁耐都無出聲，他竟然發老脾話我整壞個水龍頭，我即駁佢，用左咁多年會壞都很正常，人耐左都會老會死吧，何況是死物。

跟住我要求他維修埋個天花，他竟然佢絶，話只是很輕微不用維修，他的其他物業更嚴重都未有維修，我的單位已經很好，氣得我呀，其他人或單位我不知道及不關我事，但我真的差點給天花掉下的石屎打死，難道真的我死了才維修嗎?我知他不想出錢維修，但他是業主，賺錢都賺得有點良心吧，到來維修水龍頭的師傅見我們在爭吵，站出來講個公道話，要維修天花是一個大工程，時間及金錢都很多，見天花暫時都未去到嚴重程度，可以暫時不用大修，但天花有大部份石屎已經浮起，會不斷掉落石屎，為求安全，建議鏟起已浮起的石屎，我和業主都同意，師父還主動幫忙爬梯及處理石屎，前後不用十五分鐘就辦妥，真不愧是師傅，雖然天花現在變得很難看但總算安全放心，不過我和業主經過這事真的有點面左左。

都有諗過搬，但想一想，業主大部份都係咁，好業主很難求，可能搬屋後遇到的可能更差就無謂，所以暫時都不會搬，我和絶大部分香港人一樣都希望有自己的單位，但公屋唔使諗，私樓無得諗，就算樓價再點下滑，都無能力買，更何況有錢都會留來醫眼，醫生已預言我得青光眼、視網膜病變等眼疾機會比正常人高三至四倍，白內障又會比正常人早很多出現，所以買樓真的想都未想過，只望中到六合彩才想吧，三月一日有個巨額六合彩，希望能中啦。