買希望用的戶口

作為一個基層打工仔來講，買六合彩真的是買一個希望，十八歲換領成人身分證後第一件去做的事就是去買六合彩，買左咁多年只中過幾次安慰獎，惟有安慰自己輸左咁多錢當做善事吧，亦都見證每注由兩蚊加到十蚊的歷史，現在買六合彩已經由買希望變成習慣買而已。

一直以來都是買六個同樣的號碼，不是因為對這六個號碼情有獨鍾，而是不想諗咁多，要中就會中，關乎運氣吧，好明顯暫時運氣未到，每次都一次買多期，免得行多次，其實都有想過用投注戶口，但網上申請又要做驗證，惟有到投注站申請，但幾次去到都遇上賽馬日，勁多人。

今天去到投注站都很多人，本來都諗住買完就走人，點知有個很後生的女職員走來sale我申請投注戶口，本來都打算申請，但她問得很hea，令人完全不想幫她申請，佢走後另一個年紀較大的女職員又走來sale，見佢很有誠意就同她申請，佢都對程序很熟手，程序又不是很繁複，但竟用了成個鐘才能完成手續，無錯是成個鐘頭，即是一個小時，因全程用我的手機進行，我部機是舊機，行得慢，加上馬會wifi又斷線，重做三次都未能成功，跟住用馬會座枱電腦才完成開戶手續，其實一早用座枱電腦就能一早完成，害我攪了成個鐘，不過都收到一份迎新禮品，一個遊行電插座，都好。

戶口開完，佢話即時用戶口買$10賽馬及10足球就可以即時得到$60麥記或$75星巴克現金券，點解銀碼不同?害我天人交戰很耐，最後選了麥記，能食得飽，對我來講實際啲，因我部電話太不行，最後用馬會的ipad才能完成投注賽馬及足球，其實我從未買過馬及足球，因沒有心機及時間去研究，所以沒興趣去玩，不過今次是用$20去換$60，點都無得輸嘛，就玩一次吧，只是隨心選了較好聽的馬名及球隊，希望會中啦。