戴牙套的煩惱 (三)

        我在網上看過很多Blogger話戴牙套會講話時有「痴痢根」的情況出現，我情況好啲，沒有這個問題，但卻出現另一個麻煩問題，就是講嘢講得耐會有噴口水情況，可能牙套有位載口水，載滿左就噴出來，其實講得耐的定義只是連續講五分鐘左右，這情況由第一天戴牙套到垷在都沒有改善，只能留意住自己講一陣嘢就停一停吞一吞口水才繼續講，之前份工是做文職，很少機會面對人連續講很多話，因總有時間給我停一停，就算講電話都可以停一停再講，所以沒有煩惱問題出現，但因之前離職，需要去見工，問題出現，面試時一開始自我介紹無耐就出現噴口水，唉~~~真丟面，不知有否因這個原因而落選，不過就有次去見電話投注助理就肯定有，當時面試官要我讀幾段文字，讀讀下又噴了口水，很明顯對方留意到，即時皺眉話等消息叫我走人，其實唔使等都知衰左了。