戴牙套的煩惱 (一)

         到今天剛好戴牙套戴左年半，雖然戴牙套已經成為生活一部分，但仍然會有煩惱的時候，尤其是清潔問題，
在家裡，早晚清潔牙齒及牙套是必然，雖然煩但都不構成煩惱，但返工或出街時就煩惱了，以前公司廁格多，就算帶埋清潔用品到廁格內慢慢攪都沒人留意，現在轉了工，廁格少，在廁格內太耐會給人投訴，但我是戴住食飯，不能不除牙套出來沖洗及漱口，唯有在洗臉盆清潔，廁所地方少但人又多，唯有以最多快的速度處理。
        但有人的地方就有是非，有公司的地方就有麻煩同事，有時會有同事藐嘴藐舌，更有些同事會話阻住洗手，有些話在洗臉盆漱口不衛生，通常藐嘴藐舌我都不理會，會當時運高睇唔到，但如果出到聲話我，我會反駁，洗臉盆輪住用又不是你一人專用，而且洗臉盆用來漱口是正常吧，你家裡的洗臉盆不是咁用的嗎?這些衰同事可以直接黑面對付，但有些只是好奇心重或不能得罪的同事就難以應付，她們會不斷問點解要箍牙嘅、要箍幾耐架、幾錢啞、邊度箍嫁............，還有的是每個同事問一次，或是不知是無記性定係見面沒話題，常常重覆地問這些問題，真煩。