清潔片

        箍牙療程已經到了一半，如無意外 (相信會有意外) 仍有三十四個牙套要戴，即是還有年多時間要戴牙套，我是戴住食野的，除左咖哩及香口膠外，全無戒口，每天還喝兩杯奶荼，因此牙套是勁污漕
，我會迫自己早晚用牙刷點些牙膏清潔牙套，其他時候盡可能食完野都拿出來用水沖一沖，但每個牙套戴到第七日左右就變黃，有啲凹凸位更見到有“唧”，很難接受，之前問過診所護士，如果訂隱適美的專用清潔粉，折合港幣要成十蚊一包，好貴呀~~~護士都話太貴不值得，叫我用牙膏清潔便可，而且一個牙套都是用兩個星期就換，不需要用咁貴的清潔粉，我都明白護士的意思，我不是想保養個牙套，但每個牙套戴到第二個星期我就很不舒服，總係覺得很不清潔，我認我係有少少潔癖，但我更擔心牙套有污漕即係會存細菌，會令我的牙週病加深，情有可原吧。
       我都有到個人護理連所店看過假牙清潔片，但選擇唔多，都係得兩隻牌子，計落都要過幾一片，長遠來講，都算貴，所以原本已經放棄了，但今天行過日本超市俾我見到隻日本牌字的假牙清潔片，48蚊120片，計落4毫字一片，很經濟喎，即時買左合試，很方便，用半杯暖水加一片清潔片浸五分鐘便可，浸完後真的清潔很多，不知是否心理作用，戴上口後覺得有清新感覺，我想會在每個牙套後期每天用一片，雖然多一個工序，但清潔很重要吧。