2015年3月2日 星期一

02.03.2015

        今天見左一份工,但好明顯又失敗左,不過唔緊要我會再接再厲,繼續努力去見工,但今天這份工有一點值得思考,因在自我介紹後,面試官提出一個處境題,如果有個客睇中一部二千多元的Sony電話,點去說服佢轉買部五千多元的iPhone,我當時心想現實情形我是不會去sell,個客都已經有心水了,邊會理我呀,慳返啖氣sell那些未有心水或還在十五十六的客吧,而且我自己都用Sony而不用iPhone,自己都說服唔到自己,很難叫我去sell客吧,但當時是面試不能不答,可能自己都已經沒信心,更難說服到面試官,今次見工失敗,需要檢討的是見工時不要胡思亂想影響表現。
       最後面試官問我有沒有問題要問佢,當時我看到枱上我的學歷及工作證明的副本,刹那間我想問佢比返份副本我,反正都知落選了,雖然我影印唔使錢,但都想環保啲留返下次見工用,不過最終都沒出聲,始終都要保留見工時的大體吧。
        其實我都不明白點解見工時,不論申請什麼職位,又或不論公司什麼規模,都會要求提交學歷及工作證明的副本給公司做記錄,有些公司會要求交正本給他們影印,有些公司會要求帶一份副本在面試時交給他們,今天的公司更要求一張證件相,好在早前申請特區護照時影了四張,剛好可以交到照片,不過一張要十蚊呀,雖則小財唔出大財唔入,但我只是覺得是否有必要?我上到去見工佢地都見到真人啦,正本學歷及工作證明都可以即時查核,如果決定請我才要副本留在公司存檔就合理,否則一個職位見咁多人,個個一份副本存檔,又浪費紙張,又浪費人手處理很無謂。

沒有留言:

張貼留言