苛刻兼職

最近揾左份兼職做，諗住時間就到揾多份工揾多個錢都好麻，雖然每星期只做兩天及每天工作七小時，但工作很密集，除了中段食飯時間外，其他時間真是不斷聽電話不斷下單，連看錶睇時間都沒有，其實都幾累。

食飯時間只有二十分鐘，有時給最尾個電話拖住下單，可能又少了幾分鐘，還要包埋去洗手間時間，因真的忙到去唔到洗手間，有人講過只有半個鐘食飯時間已經很苛刻，點知我竟然會做左一份更苛刻的工作，而且公司範圍內都不准開電話及帶電話在身上，有急事真不知點算，不過是兼職都可以忍耐下。

我做左幾天都已經上手了，但有日那個勁麻煩的上司在工作期間突然叫我停下手上工作，要和我傾談，我都估到一定無好嘢，真係估中，他話我問客人問題時無講『唔該』，很無禮貌，吼~~~~~~，真想大叫，我前後句子都有講『麻煩你』的，這句和『唔該』有多大分別，不過都知他是找我麻煩的，起初我都底底地講唔好意思我會多加留意，點知他咬住我唔放，不停話我唔啱，又話我無悔意等，勁麻煩，氣得我即時唔做走人，他見我放下職員証走人，還再在我後面話我，氣死我，又不是什麼筍工，這樣留難員工，怪不得員工流失咁嚴重。