01.04.2015

         今天見左一份基層工作，原先人事部打來話返工地點元朗那個職位已經請左人，問我銅鑼灣返工會否考慮，我本來推佢的，
因人工很低，返CWB車費很貴，不值，但她說在港鐵站上面返工很方便，叫我考慮，咁佢咁講都可以試試，見工地點在火炭，入到房見人事部職員，她好像很趕咁，對眼check文件，隻手mark記錄，個口和我對話，當佢問到前前前前份工點解唔做，我同佢講因OT太多，每天要工作十七個鐘頭頂唔順唔做，跟住佢問有無OT，我下意識答十七個鐘頭當然有OT，我無意頂撞，但她即時抬頭黑住面話有無OT錢呀，跟住話等消息及送我走了，看來又失敗左。
        哈哈，咁OT和OT錢在詞語及意義上有分別嘛，只怪自己轉數低吧，浪費左二十幾蚊車錢，真有愚人節該有的感覺，年紀大真係很難找工，好在最近找到份兼職做，做住先，再找長工，我會繼續努力的。