隱適美牙套 - 9/70 一星期情況

        又到覆診時間了，原本應八個星期覆診的，但因下星期要返工所以提早一個星期回去見醫生，準時到診所登記，姑娘給我第十到第十三個牙套回家自行換箍，很快就能入房見醫生，醫生先檢查牙套，話戴得OK呀，跟住除下牙套檢查牙齒，話牙齒刷得都算唔錯，就係咁檢查完畢，叫我自行戴回牙套就可以走了，我把握時間同醫生講我想問的問題：「我覺得上排牙有少少郁過，但下排真係唔覺得有郁過喎!」醫生話:「你係唔覺得有郁吧，但是真係有郁的，如果牙齒無郁過的話，牙套不會戴得咁fit的，無問題的你繼續戴就得。」聽完醫生咁講都放心啲，戴完牙套就走人，現在覆診真快手。
        每次拿到新牙套都會很心急咁睇下啲新牙套，很期待啲牙齒會變成點，其實我最想看第70個牙套，不過我估醫生或姑娘都未必會給我看，算吧，看看九個星期後會變成如何比較實際。
        這是上排的牙套，上面是第三個牙套，由於戴住食野所以有些位磨到變了白色，下面是第十三個牙套，見到最前兩隻門牙原本凹凸幅度由很大會收窄很多，這個很明顯呀，真開心。

        這是下排的牙套，上面是第三個牙套，下面是第十三個牙套，肉眼看真係看不到有分別，真令我很擔憂，不過醫生話無問題，惟有相信醫生吧。