唔經唔覺又到換牙套時間，第十三個牙套了，估唔到都出現嚇一跳的情況，上排牙套戴上後如以往般一下子很緊迫，情況正常，問題係下排牙套右邊犬齒戴唔到，平時是戴門牙再戴犬齒再到大牙的，試左多次都唔得，可能下排牙齒內彎嚴重，唯有試試戴右邊犬齒先，跟住門牙，再左邊犬齒，最後大牙，終於戴上了，真是一額汗，希望跟住幾天戴除順利吧，就快覆診了，到時同醫生講這件事，看看牙齒或牙套有無問題。
今天早餐食杯裝芝士撈麵，在一田見到買來試試，用熱水浸軟個麵再撈包芝士調味粉上去就可以食，食完後除個牙套出來洗，發現成個變左黃色，即刻用牙膏清洗但都無用，都知道包調味粉加了添加劑，但估唔到染色劑會加咁重，以後都不會再吃這種撈麵，而且要小心那些調味粉，好彩剛好晚上換新牙套，不用再戴住個黃色牙套。
講起染色，聽說咖哩是染色最為嚴重，因我又不是特別喜歡食，所以開始戴牙套後都沒有食過咖哩了，但早前叫外賣，回到家裡才發現店員給錯了外賣給我，好死唔死竟是咖哩牛肉飯，雖然我未試過食後染色情況，但網上很多人分享話食後牙套會變成螢光黃，因此沒有打算親身試驗，所以決定除下牙套食，很久沒有除下牙套食飯了，很不習慣，又怕太大力咬會呅碎attactment，最後只是咬幾口就吞下肚，這樣食飯真對腸胃不好，還好只是一餐吧。
今天換第十三個牙套，上次換第十二個牙套後幾天，發現右邊上排犬齒有「銀」住的感覺，除下牙套後那attactment直頭頂住咀唇，仔細看那隻牙齒好像給拉出左少少，看來牙齒有乖乖地郁動，希望牙齒繼續努力呀。
